Қызылордада 900 млн теңгенің мүлкі мемлекетке қайтарылды
Қызылорда қаласының прокуратурасымен 900 млн теңге құрайтын мүлік мемлекетке қайтарылды, деп хабарлайды El.kz ақпарат агенттігі.
Облыстық прокуратура мәліметінше, әкімдік тұрмыстық қатты қалдықтарды қайта өңдейтін полигонды кәсіпкерге шарт негізінде 15 жыл мерзімге сенімгерлік басқаруға берген.
Дегенмен сенімгерлік басқарушы есеп тапсыру, тапқан пайдасының елу пайызын сыйақы ретінде және таза кірісінің бөлігін мемлекетке төлеу жөнінде шарт міндеттемелерін орындамаған. Ал әкімдік бұл міндеттемелердің орындалуына бақылау жасамаған, - делінген мәліметте.
Қадағалау актісінің нәтижесімен құны 700 млн теңгені құрайтын тұрмыстық қатты қалдықтарды қайта өңдейтін полигон және 326 га көлемінде, құны 210 млн теңгені құрайтын 16 жер учаскелері мемлекетке қайтарылды.
Қысқа да нұсқа. Жазылыңыз telegram - ға