Құтқарушылар контейнерлер арасында қыстырылып қалған күшікті шығарды
Бұл туралы Шығыс Қазақстан облысының Төтенше жағдайлар департаментінің баспасөз қызметі мәлімдеді
ШҚО құтқарушылары контейнерлер арасында қыстырылып қалған күшікті шығарды, деп хабарлайды El.kz. Бұл туралы Шығыс Қазақстан облысының Төтенше жағдайлар департаментінің баспасөз қызметі мәлімдеді.
Өскемен қаласында күшік контейнерлердің арасына қыстырылып қалды. Құрылым иесі төртаяқты «зардап шегушіні» байқап қалып құтқарушылардан көмек сұрады. ШҚО ТЖД мамандандырылған жасақтың қызметкерлері Мыза көшесіне дереу келіп жетті.
Күшік қатты қорщққып қалған және қол жетуі қиын жерде болды. Жануарларды аулауға арналған ілмекті пайдалана отырып құтқарушы Алданбаев Наурызбай күшікті «іліп» алып, ал әріптестері жануарды қағып алды, осылайша ол қамаудан босатылды.
Жануарларға көмекке келу – ШҚО ТЖД құтқарушыларының ізгілікті міндеттерінің бірі. Қызметкерлердің айтуынша осындай құтқару операцияларына бармайтын күндер кемде кем.
Төтенше жағдай кезінде 112 нөміріне хабарласыңыз.
Қысқа да нұсқа. Жазылыңыз telegram - ға