Қостанайлық оқушылар радиобайланыс бойынша әлем чемпионатында үздік атанды
Қостанайлық оқушылар радиобайланыс бойынша әлем чемпионатында үздік атанды, деп хабарлайды El.kz ақпарат агенттігі.
Оқу-ағарту министрлігінің мәліметінше, Қостанай қаласының №11 орта мектебінің радиоәуесқойлар үйірмесінің тәрбиеленушілері Азат Паризов, Стелла Бойко, Анастасия Иванова, Жанбике Сағадиева, Виолета Демченко, Юлия Ұлан және Анастасия Чиняева радиобайланыс бойынша халықаралық чемпионаттың жеңімпаздары атанды. Оған әлемнің 100-ден аса елінен келген балалар қатысты. Олар радиобайланыс сеанстарының ең көп санын анықтады.
Эфирде жұмыс істей отырып, балалар әлемнің қалаларымен және елдерімен танысып, ағылшын тілін білуді дамыта отырып, оны тереңдетеді. Эфирде қарым-қатынас жасау дағдылары мен біліктілігін дамытып қана қоймай, радиотаратқыш аппараттың құрылысы мен жұмысын егжей-тегжейлі меңгереді. Бұған қоса, радиоаппаратураны жөндеу мен құрастыру дағдысы мен біліктілікті игереді, - деді жоба жетекшісі Анатолий Ефанов.
57 жылдық тарихы бар радиоәуесқойлар үйірмесінің ұжымдық радиостанциясынан 2 мыңнан аса оқушы өтті. Оның түлектері түрлі салаларда техникалық мамандықтар алды.
Қысқа да нұсқа. Жазылыңыз telegram - ға