ҰҚК Батыс Қазақстан облысының шекарасы арқылы темекі өнімдерін заңсыз тасымалдаудың жолын кесті, деп хабарлайды El.kz ақпарат агенттігі.
Оқиға 17 қазанда «Шаған» автокөлік өткізу пунктінде болған. .
336 мың қорап темекі өнімдерін ілеспе құжаттарсыз, құрылыс материалдары түрінде Мемлекеттік шекарадан өткізуге әрекеттенген. Алдын ала бағалау бойынша тәркіленген тауардың құны 200 млн теңгеден асады, - делінген мәліметте.
Ұсталған жүк әрі қарай қаралуы үшін өңірдегі Мемлекеттік кірістер департаментіне берілді.
