Қазақстандықтарға жалған ақша айналымына қатысты ескерту жасалды
Бұл туралы Қаржылық мониторинг агенттігі мәлім етті
Фото: egemen.kz
Фото: egemen.kz
20.01.2023 15:47
1778
Қаржылық мониторинг агенттігі жалған ақшалардың көбеюіне байланысты қазақстандықтарға ескерту жасады, деп хабарлайды El.kz ақпараттық агенттігі.
ҚМА жалған ақша купюраларын анықтау фактілері жиілеп кеткенін айта отырып, азаматтарды сақ болуға және қырағылық танытуға шақырады. Сондай-ақ қаражатты тек қана арнайы айырбастау пункттерінде немесе екінші деңгейлі банктердің бөлімшелерінде айырбастауға кеңес береді.
Жалған купюраны анықтау фактісі болған жағдайда Қаржылық мониторинг агенттігіне немесе полиция департаментіне хабарлау қажет.
Бұған қоса, ведомство өкілдері жалған купюраны пайдалану, төлеуге тырысу қылмыстық құқық бұзушылық болып табылатынын ескертті.
Бөлісу:
Қысқа да нұсқа. Жазылыңыз telegram - ға