Жаңалықтар

Қазақстандық теннисші әлемдік рейтингте рекордтық көрсеткішке жетті

Қазақстандық теннисші әлемдік рейтингте рекордтық көрсеткішке жетті
Фото: Қазақстан теннис федерациясы 04.03.2024 14:31 756

Кәсіби теннисшілер қауымдастығы (ATP) жаңартылған рейтингті жария етті, деп хабарлайды El.kz ақпарат агенттігі.

Өткен аптада Дубай АТР 500 турнирінің финалына дейін жеткен Қазақстанның көшбасшы теннисшісі Александр Бублик рейтингіде 23-тен 20-ға көтерілді.

Бұл — оның спорттық жолындағы ең үздік, рекордтық көрсеткіші.

Тағы бір қазақстандық Александр Шевченко 47-ден 51-ге сырғыса, Тенерифе (Испания) челленджер жарысының жеңімпазы атанған Михаил Кукушкин 165-тен 140-қа жоғарылады. 

Денис Евсеев 179-дан 180-ге, Бейбіт Жуқаев 190-нан 191-ге түсіп қалды. Дмитрий Попко 309-дан 276-ға, Тимофей Скатов 272-ден 269-ға шықты. 

Жұптық сында Александр Недовесов 49-дан 45-ке көтерілсе, Андрей Голубев 70-тен 71-ге төмендеді.

Бөлісу:
Telegram Қысқа да нұсқа. Жазылыңыз telegram - ға