Қазақстандық оқушылар биологиядан халықаралық олимпиадада жүлдегер атанды
Қазақстандық оқушылар Эль-Айн қаласында (БАӘ) өткен биология бойынша 34-халықаралық олимпиадада жүлдегерлер қатарынан көрінді, деп хабарлайды El.kz ақпарат агенттігі.
IBO - 15 пен 21 жас аралығындағы мектеп оқушыларына арналған ғылыми жарыс. 1990 жылдан бастап өткізіліп келеді. Биылғы жарысқа әлемнің 79 елінен 316 оқушы жиналды. Қазақстан құрама командасының қатарында Астана және Алматы қалаларының 4 оқушысы қатысып, барлығы да олимпиаданың жүлделі орындарын иеленді. Еншімізге екі күміс пен екі қола медаль бұйырды.
Медальдар қоржынын екі күміс жүлдемен Омар Дінмұхаммед пен Бақдәулет Ерназаров толықтырды. Ал, қола медальды Ғалымжан Бақтыбай мен Ислам Амангелді алды, - дейді «Дарын» РҒПО зияткерлік іс-шараларды ұйымдастыру және халықаралық ынтымақтастық бөлімінің әдіскері Гүлсара Мұқаш.
Оқи отырыңыз:
- TikTok-та қалай танымал болуға болады?
- Лара Фабианның концертіне билет алғандар 5 млн теңгеге алданып қалды
Халықаралық комитеттің шешімімен биология бойынша 35-халықаралық олимпиада (IBO-2024) Қазақстанда ұйымдастырылады, біздің еліміз бұл олимпиаданы алғаш рет өткізеді.
Қысқа да нұсқа. Жазылыңыз telegram - ға