Қазақстандық екі боксшы Сауль Альварестің кардында жекпе-жек өткізеді
Фото: instagram.com/amankul.abilkhan / instagram.com/nurmaganbet.bek.kazbekuli
Фото: instagram.com/amankul.abilkhan / instagram.com/nurmaganbet.bek.kazbekuli
20.04.2023 13:57
489
6 мамыр күні Мексиканың Гвадалахара қаласында өтетін мексикалық Сауль (Канело) Альварес пен ағылшын Джон Райдер арасындағы жекпе-жектің кардында екі боксшымыз өнер көрсетеді.
Олар – Бек Нұрмағанбет (9-0, 7 КО) пен Әбілхан Аманқұл (3-0, 3 КО). Бектің қарсыласы венесуэлалық Аргенис Эспана (15-1, 14 КО) болса, Әбілхан мексикалық Хесус Паломареспен (7-2-1, 4 КО) өзара кім мықтыны анықтайды.
Кездесулер сегіз раундқа есептелген.
Посмотреть эту публикацию в Instagram
Нұрмағанбет пен Аманқұл бұған дейін шаршы алаңға 15 сәуір күні Помонада (Калифорния штаты, АҚШ) шыққан. Бек венесуэлалық Эбер Рондонды (20-4, 13 КО), Әбілхан мексикалық Даниэль Эчеверрианы (21-12, 18 КО) ұтты.
Бұған дейін Нұрмағанбет «Канеломен» достығы жайлы айтқан болатын.
Бөлісу:
Қысқа да нұсқа. Жазылыңыз telegram - ға