Еске сала кетейік, биыл стипендиялық бағдарламаға қатысуға өтінім беру 30 наурыз бен 30 маусым аралығында жүргізілді. 2023 жылы аталған бағдарлама бойынша 550 грант бөлінді. Атап айтқанда, бакалавриат бағдарламаларына 490 грант, магистратураға 50 және докторантураға 10 грант бөлінген.
Соңғы шешім осы жылдың тамыз айының соңғы он күнінде Ғылым және жоғары білім министрлігі жанындағы стипендиаттарды іріктеу жөніндегі Конкурстық комиссияның шешімімен қабылданады.
Айта кетерлігі, стипендиялық бағдарлама іске қосылғаннан бері оған қатысуға 10 мыңнан астам үміткер өтінім берген. Бағдарлама бойынша 139 стипендиат отандық жоғары оқу орнын тәмамдады. Бүгінде 538 студент аталған бағдарлама шеңберінде білім алуда.
Қазақстанда оқуға 80 елдің азаматтары қызығып отыр
Фото: Ғылым және жоғары білім министрлігі
Фото: Ғылым және жоғары білім министрлігі
17.08.2023 14:35
910
Қазақстандық университеттерде оқуға мүмкіндік беретін білім беру гранттарына арналған конкурсқа әлемнің 80 елінен 2 149 адам қатысты, деп хабарлайды El.kz ақпарат агенттігі
Осымен төртінші жыл қатарынан елімізде шетелдік азаматтарға, оның ішінде Қазақстан азаматы болып саналмайтын ұлты қазақ тұлғаларға арналған стипендиялық бағдарламаға үміткерлерді іріктеу жүргізілуде. Аталған бағдарламаға қатысуға ниет білдірушілер саны жыл сайын артып келеді.
Биыл бағдарламаға қатысуға 6 024 өтінім келіп түсті. Үміткерлер бағдарлама талаптарына сәйкес қатаң іріктеуден өтті. Өтінім білдірушілер жоғары академиялық үлгерім, талап етілген құжаттардың бар болуы және іріктеудің барлық кезеңдерінен сәтті өтуі негізінде іріктелді. Қазіргі күнде үміткерлердің нәтижелерін талдау жұмыстары жүргізілуде, - деп жазды Ғылым және жоғары білім министрі Саясат Нұрбек.
Бөлісу:
Қысқа да нұсқа. Жазылыңыз telegram - ға