Қазақстан интернет жылдамдығы бойынша көш бастады
Фото: © Pixabay.com
Фото: © Pixabay.com
19.05.2023 14:01
915
Интернет жылдамдығы бойынша рейтингте Қазақстан 11 сатыға жоғары көтерілді, деп хабарлайды El.kz ақпараттық агенттігі Finprom агенттігіне сілтеме жасап.
Еліміз қазіргі кезде 72-орынға тұрақтады. Сөйтіп, ЕАЭО және Орталық Азия елдері арасында көш бастап тұр.
Рейтинг қорытындысы бойынша, Армения – 80-орында, Қырғызстан – 83-орында, Өзбекстан – 104-орында, Беларусь – 126-орында, Тәжікстан –129-орында.
Қазақстандағы интернет жылдамдығы бір жылда 47,9 пайызға артқан. Көрсеткіш 2022 жылдың сәуірінде секундына 20,7 мегабит болса, 2023 жылдың сәуірінде секундына 30,62 мегабитке дейін көбейген. Басқа елдермен салыстырғанда айырмашылық айтарлықтай байқалады, - делінген хабарламада.
Арменияда жылдамдық секундына 26,25 мегабитті, Қырғызстанда секундына 25,83 мегабитті, Өзбекстан мен Тәжікстанда секундына 20,9 және 11,38 мегабитті құрайды. Орталық Азияда 2022 жылдың соңында "Tele2 Қазақстан-да" көрсеткіш жақсы болған. Мұндағы жылдамдық – секундына 27,25 мегабит.
Бөлісу:
Қысқа да нұсқа. Жазылыңыз telegram - ға