Қазақстан делегациясы Венадағы климаттың өзгеруіне арналған конференцияға қатысып жатыр
Қазақстандық делегация ЕҚЫҰ-ның климаттың өзгеруі жөніндегі конференциясына қатысты, деп хабарлайды El.kz ақпарат агенттігі.
Аустрияның Вена қаласында ЕҚЫҰ-ның Климаттың өзгеруі жөніндегі жоғары деңгейдегі конференциясы өтіп жатыр. Жаһандық климаттың өзгеруі - біздің заманымыздың ең маңызды мәселелерінің бірі болып отыр. Бұл ауа-райының жиі және қатал құбылыстары мен апаттарына әкеліп соғуда.
Аталған конференция аясында қауіпсіздік пен бейбітшілік үшін климаттың өзгеруінің салдары, сондай-ақ климат саласындағы іс-қимылдар үшін шиеленістер мен қақтығыстардың салдары талқыланды.
Халықаралық іс-шараға министрлер, климат жөніндегі елшілер және ЕҚЫҰ-ға қатысушы мемлекеттердің және ынтымақтастық жөніндегі әріптестердің жоғары деңгейдегі басқа да саяси қайраткерлері, сондай-ақ, халықаралық азаматтық қоғам ұйымдарының өкілдері, Климаттық қауіпсіздік саласындағы сарапшылар мен практиктер қатысып, өзара пікір алмасуда.
Қысқа да нұсқа. Жазылыңыз telegram - ға