«Қазақстан Барысы-2023» турнирінің ширек финалының жеңімпаздары анықталды
«Қазақстан Барысы – 2023» республикалық турнирінің ширек финалы аяқталып, жеңімпаздар анықталды, деп хабарлайды El.kz ақпарат агенттігі.
Бәсекеге толы болған сында жартылай финалға 4 балуан өтті. Оның ішінде Нұрдәулет Жарылғапов (Маңғыстау облысы, 155 кг ), Мұхтар Дәлелханұлы (Павлодар облысы, 115 кг), Марат Байкамуров (Әскер барысы, 106 кг), Ғалымжан Қырықбай (Әскер барысы, 145 кг) сынды төрт үздік бар.
Елордада Астана күніне орай қазақ күресінен «Қазақстан барысы – 2023» республикалық турнирі өтіп жатыр. Жарысқа өңірлерде іріктеу кезеңдерінен өтіп, «Қазақстан барысы – 2023» финалына жолдама алған мықты палуандар қатысады. Қазақ күресінен республикалық турнир 2011 жылдан бері тұрақты негізде ұйымдастырылып келе жатқаны баршаға белгілі.
Сондай-ақ, айтулы сынға еліміздің әр өңірінен екі спортшыдан қатысады. Олар абсолютті салмақ дәрежесінде өнер көрсетеді. Биыл қатысушылардың жалпы саны 41 палуанды құрады. Әр облыстан екі спортшыдан, одан бөлек, «Әскер Барысы» күш құрылымдары арасындағы турнирдің және өткен жылғы іріктеудің жеңімпаздары бақ сынайды.
Қысқа да нұсқа. Жазылыңыз telegram - ға