Жаңалықтар

Қасым-Жомарт Тоқаев SCAT әуе компаниясының қызметіне оң баға берді

Бұл туралы Ақорда мәлім етті
Қасым-Жомарт Тоқаев SCAT әуе компаниясының қызметіне оң баға берді
Фото: Ақорда 01.02.2023 15:09 1037

Мемлекет басшысы SCAT әуе компаниясының президенті Владимир Денисовті қабылдады, деп хабарлайды El.kz ақпараттық агенттігі.

Президентке әуе компаниясының былтыр атқарған жұмыстарының негізгі нәтижелері, сондай-ақ алдағы кезеңге арналған даму жоспары туралы баяндалды.

Мемлекет басшысына 2030 жылға дейін компанияның әуе кемелері паркі мен бағыт желілерін кеңейту жөнінде мәлімет берілді.

Қасым-Жомарт Тоқаев SCAT әуе компаниясының қызметіне оң баға берді


Президентке Шымкент әуежайындағы аэровокзал кешені құрылысының барысы және авиациялық хабты дамыту шаралары туралы баяндалды.

Қасым-Жомарт Тоқаев SCAT әуе компаниясының қызметіне оң баға беріп, оның даму стратегиясын қолдады.

Мемлекет басшысы Шымкенттегі авиациялық хабтың құрылысын аяқтаудың, авиациялық тасымалдау саласының өңірдегі бәсекеге қабілеттілігін қамтамасыз етудің және көрсетілетін қызметтердің сапасын арттырудың маңыздылығына назар аударды.

Бөлісу:
Telegram Қысқа да нұсқа. Жазылыңыз telegram - ға