Жаңалықтар

Қарағанды облысында бірнеше медицина мекемесі ашылды

Қарағанды облысында бірнеше медицина мекемесі ашылды
Фото: Денсаулық сақтау министрлігі 15.06.2024 22:48 340

Қарағанды қаласындағы бірінші және екінші емханалар мен Теміртау қаласындағы төртінші емхананың базасында Үздік практикалар орталықтары ашылды, деп хабарлайды El.kz ақпарат агенттігі.

Пациентке бағдарланған жаңа жүйе триаж жүйесі бойынша тіркеу деңгейінде пациенттер ағынын бөлуді, тіркеу орнының жанынан жедел жәрдем кабинетін ашуды, цифрлық технологияларды интеграциялауды, навигацияны және электрондық кезектерді қамтиды.

Бұл пациенттің «осында және қазір» қағидаты бойынша жұмыс істейтін қоғамдық қабылдау бөлмесін пайдалана  отырып, өз проблемасымен қайда, қалай және кімге жүгіну керектігін анықтауға кететін уақытын барынша жеңілдетеді және қысқартады.

Мультидисциплиналық тәсіл қауіпсіздікпен, қолжетімділікпен, нәтижелілікпен және адам денсаулығына қамқорлықпен сипатталатын кешенді медициналық, әлеуметтік және психологиялық көмекті қамтамасыз етеді, бұл халықтың денсаулығы мен қанағаттану көрсеткіштерінің жақсаруына әкеледі.

Теміртау қаласы үшін - бұл алғашқы үздік практикалар  орталығы екенін айта кетейік. Ол әлеуметтік-психологиялық қызмет пен медицина қызметкерлерінің жұмысын шоғырландыруға бағытталған. Отбасылық дәрігер, әлеуметтік қызметкер, психолог және арнайы мамандардан тұратын мультидисциплиналық командадағы жұмыс халыққа көрсетілетін медициналық көмектің сапасын жақсартуға бағытталған. Орталықтың жұмысындағы басты назар аурулардың профилактикасына және саламатты өмір салтын насихаттауға бағытталатын болады. Пациенттердің әлеуметтік жағдайына басымдық беріледі, өйткені Орталық отбасылық медицина қағидатын енгізуге бағытталған.

Бөлісу:
Telegram Қысқа да нұсқа. Жазылыңыз telegram - ға