Петропавлда жаңажылдық безендіруге бюджеттен қаржы қарастырылмаған - қала әкімі
Фото: Ашық дереккөзден
Фото: Ашық дереккөзден
11.12.2023 01:32
570
Петропавлда биыл қаланы жаңа жылдық безендіруге бюджеттен қаржы бөлінбейді, деп хабарлайды EL.kz ақпарат агенттігі sputnik.kz-ке сілтеме жасап.
Бұл туралы Петропавл қаласының әкімі Серік Мұхамедиев брифингте мәлімдеді. Ол қала бюджеті дотациялық екенін, сондықтан басты назарды әлеуметтік мәселелерге аудару керектігін атады.
Қаланы безендіру үшін жеке инвестицияларды тарту тәжірибесі бар. Биыл безендіру үшін жеті орын белгіленді. Негізгі шыршалар әдеттегідей облыс әкімдігіне қарама-қарсы және қалалық әкімдік маңындағы саябақта болады. Онда сырғанақтар мен мұз қалашықтары жабдықталады, - деді Серік Мұхамедиев.
Сондай-ақ әкім биыл Пестрое көлінің жағасындағы саябаққа ерекше көңіл бөлуді жоспарлап отырғандарын да айтты. Мұнда сырғанақтар, мұз айдындары мен мұз қалашықтары бар орындар жабдықталып, аумақ мерекеге сай безендіріледі.
Жаңа жылдық безендірулер Жеңіс саябағында, Береке шағын ауданындағы жаңа саябақта және басқа да нысандарда болады.
Сонымен қатар орталық көшелерде жұмыс істейтін кәсіпкерлерді де безендіруге атсалысуға шақырамыз, - деді қала әкім.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Газа аймағынан Қазақстанға 28 адам жеткізіледі