Жаңалықтар

Педагогтерді аттестаттаудың жаңа ережелері талқыланды

Педагогтерді аттестаттаудың жаңа ережелері талқыланды
Фото: Оқу-ағарту министрлігі 13.10.2023 20:33 1041

Оқу-ағарту министрлігі Педагогтерді аттестаттау ережесіне енгізілген өзгерістер мен толықтырулар бойынша түсіндіру жұмыстарын жүргізу мақсатында Астана қаласындағы педагогтер мен әдістемелік орталықтар қызметкерлерімен кездесу өткізді. Бұл туралы Оқу-ағарту министрлігінің баспасөз қызметіне сілтеме жасай отырып El.kz ақпарат агенттігі хабарлайды. 

Ережені талқылауға орта білім беру комитетінің төрағасы Қаныбек Жұмашев және «Өрлеу» біліктілікті арттыру ұлттық орталығының өкілдері қатысты.

Мұнда мұғалімдерге Педагогтердің үздіксіз кәсіби дамуының ұлттық платформасында аттестаттаудан өтудің егжей-тегжейлі алгоритмі ұсынылды, тест сұрақтарының мазмұны қарастырылды, педагог-зерттеушілер мен педагог-шеберлердің жұмыс тәжірибесін тарату тәртібі түсіндірілді. Әдістемелік кабинеттер мен орталықтардың әдіскерлерін аттестаттау бойынша да бөлек түсіндіру болды.

Айта кету керек, педагогтерді аттестаттаудың жаңа ережелері келесі аптада «Ашық НҚА» порталында танысу үшін қолжетімді болады. Түсіндіру жұмыстары еліміздің барлық аймақтарында жүргізілуде.

Бөлісу:
Telegram Қысқа да нұсқа. Жазылыңыз telegram - ға