Жаңалықтар

Отандық авиакомпанияларға рейс кешіккені үшін 21 млн теңгеге дейін айыппұл салынды

“Эйр Астанаға" жалпы сомасы 6 000 АЕК (18 378 000 тг) алты айыппұл, SCAT әуекомпаниясы рейс кідірген кезде жолаушылардың құқықтарын бұзғаны үшін 1 000 АЕК (3 063 000 тг) көлемінде айыппұл салынды
Отандық авиакомпанияларға рейс кешіккені үшін 21 млн теңгеге дейін айыппұл салынды
Фото: egemen.kz 08.09.2022 10:45 793

Рейстерді кешіктіру кезінде жолаушылардың құқықтарын бұзғаны үшін авиакомпанияларды жауапкершілікке тартуға қатысты Азаматтық авиация комитеті мәлімдеме жасады, деп хабарлайды El.kz

Азаматтық авиация комитеті ҚР Индустрия және инфрақұрылымдық даму министрі Қ.А. Өскенбаевтың тапсырмасы бойынша рейстерді кешіктіру кезінде жолаушылардың құқықтарын бұзғаны үшін авиатасымалдаушыларды жауапкершілікке тарту бойынша жұмысты жалғастыруда. 

Осылайша, ағымдағы жылғы тамыздың үшінші онкүндігінде "Эйр Астана" әуекомпаниясына (құрылымдық бөлімшесі "Fly Arystan" әуекомпаниясы болып табылады) қатысты рейстерді кешіктіру кезінде жолаушылар құқығын бұзғаны үшін 2 000 АЕК (6 126 000 теңге) көлемінде қосымша екі айыппұл салынды.

Осы жылдың шілде айынан бастап "Эйр Астана" әуекомпаниясына қатысты жалпы сомасы 6 000 АЕК (18 378 000 тг) алты айыппұл салынды. "SCAT" әуекомпаниясы рейс кідірген кезде жолаушылардың құқықтарын бұзғаны үшін 1 000 АЕК (3 063 000 тг) көлемінде айыппұл түрінде әкімшілік жауапкершілікке тартылды. Сонымен, аталған кезеңде қазақстандық әуекомпаниялар жеті рет 7 000 АЕК (21 441 000 тг) сомасына әкімшілік жауапкершілікке тартылды.

Азаматтық авиация комитеті жүргізіліп жатқан жұмыс шеңберінде Қазақстан Республикасының қолданыстағы заңнамасының жолаушылар құқықтарын сақтау бөлігіндегі талаптарын ұстанады. Тасымалдаушылар тарапынан қайталап бұзушылық фактілері анықталған жағдайда шаралар қабылданатын болады.

Бөлісу:
Telegram Қысқа да нұсқа. Жазылыңыз telegram - ға