Орталық спорт клубы биыл 340 медаль жеңіп алған
Алматыда полковник Арман Әбеуовтің басшылығымен Спорт комитеті – ОСК қызметінің қорытындысы шығарылған отырыс болып өтті, деп хабарлайды El.kz ақпарат агенттігі.
Оған жаттықтырушылар, спортшылар мен спорт ардагерлері қатысты. Отырыста өткен жылғы маңызды оқиғалар мен жетістіктер атап өтілді. Спортшылар мен жаттықтырушылар марапатталып, олардың біліктілігін арттыру мен кеңейтуге қатысты іс-шаралар қаралды.
Отырыста штаттық командаларды даярлау бөлімдерінде қазақ күресі/самбо, еркін күрес, бокс, таэквондо, дзюдо, грек-рим күресі, практикалық және стендтік ату, жеңіл атлетика, қазіргі бессайыс, ауыр атлетика, спорттық/су асты бағдарлау және гір спорты сияқты спорт түрлері дамығандығы атап өтілді. Оларды 139 жоғары санатты шебер спортшылар мен еліміздің үздік жаттықтырушылары жаттықтырады.
ОСК-ның негізгі міндеті командаларда үздік жауынгерлік дайындық пен жоғары тәртіпті қолдау, Қазақстанның халықаралық және республикалық ареналарда лайықты өнер көрсетуі, командаларды жас талантты спортшылармен толықтыру. Бүгінгі таңда біздің клубта Париж олимпиадасына қатысатын 36 әлеуетті лицензия иегері бар. Оған жарты жыл қалды. Біз лицензияларды барынша көп алу үшін бар күшімізді салуымыз керек, – деп атап өтті Қорғаныс министрлігі Спорт комитетінің төрағасы – ОСК бастығы полковник Арман Әбеуов.
Жыл қорытындысы бойынша гір спортынан әлем чемпиондары сержант Назым Ахмедов, қоян-қолтық ұрыстан кіші сержант Әсет Анарбаев, еркін күрестен әлем чемпионатының қола жүлдегері кіші сержант Жәмила Бақбергенова, стендтік атудан Азия чемпионы кіші сержант Әсем Орынбай, Қарулы күштердің қызметшілері бокстан әлем чемпиондары Махмуд Сабырхан, грек-рим күресінен Сұлтан Әсетұлы мен Аманғали Бекболатов, самбодан Айдарбек Тоқтарбек, грек-рим күресінен әлем чемпионатының күміс жүлдегері Исхар Құрбаев, таэквондодан Азия ойындарының қола жүлдегері Жансель Дениз, пневматикалық мылтықтан атудан Ислам Сәтбаев, грек-рим күресінен Әлімхан Сыздықов үздік спортшы атанды.
Аға сержант Ольга Важнина және Қарулы күштердің қызметшісі Нұрым Дүйсенов, команда бастығы аға лейтенант Жанель Серікбаева үздік жаттықтырушы атанды.
Бүгінгі таңда әскери спортшылар 140-тан астам түрлі деңгейдегі іс-шараларға қатысып, 340 медаль алды. Оның ішінде 171 алтын, 82 күміс және 87 қола бар. 2022 жылдың осы кезеңінде медальдық сынақ 302 медальды құрады. Осылайша, биыл ОСК спортшыларының жетістігі 12% - ға өсіп отыр.
Қысқа да нұсқа. Жазылыңыз telegram - ға