Оқушылар лагері санитарлық талаптарға сай болуы керек – премьер-министр
![Оқушылар лагері санитарлық талаптарға сай болуы керек – премьер-министр Оқушылар лагері санитарлық талаптарға сай болуы керек – премьер-министр](/storage/storage/element/2024/05/21/mainphoto/104722/1200xauto_xsSeCpB7QLNoYkxbl3A8c9cfu24BYwhmz8WNfmLo.jpg)
Премьер-министр Олжас Бектенов балалар демалысы, бос уақытты өткізу орындары, орталықтар, оқушылар мен шығармашылық сарайлары көпфункциялы болуға тиіс екендігін айтты, деп хабарлайды El.kz ақпарат агенттігі.
Үкімет басшысының сөзінше, балалардың жан-жақты, зияткерлік, шығармашылық әрі физикалық жағынан дамуын қамтамасыз етуі керек.
Барлық объектілер сауықтыру маусымының ашылуына толық әзір болуға тиіс. Ол үшін өңірлік штабтар жергілікті жерлерге барып, лагерьлердің санитариялық-эпидемиологиялық, өртке, терроризмге қарсы қауіпсіздік талаптарына сай келуін бақылауы қажет. Балалар лагерьлерінде, бұқаралық орындарда бақылау камералары жұмыс істеп тұруға тиіс, – деді Олжас Бектенов.
Премьер-министр жазғы демалыс кезінде балалардың қауіпсіздігіне толық кепілдік берілуге тиіс екеніне ерекше назар аударды. Осы ретте Бектенов Ішкі істер, Төтенше жағдайлар, Оқу-ағарту, Денсаулық сақтау министрліктері, өңір әкімдіктері тиісті қызметтердің үздіксіз жұмыс істеуін қамтамасыз ету қажет екені жөнінде тапсырма берді.
![Telegram](https://el.kz/static/site/images/tel26.png)