Күрес түрлерінен Сербияның Нови-Сад қаласында өтіп жатқан 23 жасқа дейінгі әлем чемпионатын грек-рим шеберлері үш медальмен аяқтады, деп хабарлайды El.kz интернет порталы.
82 келіде сынға түскен Омар Сатаев шешуші жарыс күнінде қола жүлде үшін белдесуде Бельгия спортшысы Ибрахим Табаевты 10:8 есебімен жеңді.
Жарыс барысында жерлесіміз қара құрлықтың мықтысы Мохамед Диабты (Египет) 4:2, Пан-Американ чемпионатының жүлдегері Диего Торресті таза жеңіп, ширек финалда былтырғы U23 әлем чемпионы Алесандрин Гутуға есе жіберді. Әйтсе де Омар жұбаныш белдесуінде Реон Какегавадан (Жапония) басым түсіп, қола жүлдеге таласта да мықтылығын мойындатты.
Омар Сатаев бұған дейін 2025 жылы Иорданияда өткен ересектер арасындағы Азия чемпионатында күміс жүлдегер атанған болатын.
Айта кетейік, U23 әлем чемпионатында кеше Юсуф Мациев (күміс, 97 келі), Мерей Мәулетқанов (қола, 72 келі) жүлдегерлердің қатарына енген еді.
Омар Сатаев U23 әлем чемпионатында қола жүлде иеленді
Оқи отырыңыз
7 Шілде, 12:44
Шикі сүт ішеді, етті жақсы көреді: Норвегия қаһарманына айналған Эрлинг Холанн кім?7 Шілде, 10:00
Миллион жазылушы – дайын вице-президент? Қазақстан спортындағы жаңа тренд2 Шілде, 09:05
Қазақстанда кино суретшісінің еңбегі әлі де толық бағаланбайды – Бекен Нарбай1 Шілде, 17:41
Алакөлден Ыстамбұлға дейін: жазғы демалысқа қайда баруға болады?