Жаңалықтар

Мемлекеттік қызметкерлер қоғамдық көлікпен жүруге міндеттелді

Мемлекеттік қызметкерлер қоғамдық көлікпен жүруге міндеттелді
Фото: ©El.kz/Мәди ЫСҚАҚОВ 23.02.2024 16:14 1694

Өзбекстанда мемлекеттік қызметкерлер әр айдың бір күнінде қоғамдық көлікпен жүріп, үлгі көрсетуі тиіс, деп хабарлайды EL.kz ақпарат агенттігі.

Өзбекстан президенті Шавкат Мирзиёев «Өзбекстан – 2030» стратегиялық бағдарламасын бекітті. Енді ел астанасында «Автомобильсіз күн» шарасы ұйымдастырылады. 

Бұл бастаманы қоғамның белсенді өкілдері ұсынып, оны мемлекет басшысы қолдаған. Оның аясында биылғы 1 наурыздан бастап әр айдың бір жұмыс күнінде қала ішінде жеке автокөлікпен жүру шектеледі. Рұқсат тек қоғамдық транспорттар мен арнайы және шұғыл қызметтердің көліктеріне беріледі. 

Бұл шара ұйымдастырылған күні республикалық және атқарушы биліктің барлық басшылары мен қызметкерлері жұмысқа қоғамдық көлікпен қатынап, тұрғындарға үлгі көрсетуі тиіс. 

«Автомобильсіз күн» шарасы автокөліктердің қоршаған ортаға тигізетін зиянын азайту мақсатында қолға алынып отыр. Алайда, шара айдың қай күнінде ұйымдастырылатыны стратегияда нақтыланбаған.

Бөлісу:
Telegram Қысқа да нұсқа. Жазылыңыз telegram - ға