Жаңалықтар

Мемлекет басшысы Түркия президентін ұлықтау рәсіміне қатысты

Фото: Ақорда

Фото: Ақорда 03.06.2023 22:32 685

Мемлекет басшысы Қасым-Жомарт Тоқаев Түркия президенті Режеп Тайып Ердоғанды ұлықтау рәсіміне қатысты. Бұл туралы Ақорданың баспасөз қызметіне сілтеме жасай отырып El.kz ақпараттық агенттігі хабарлайды.

Президент Қасым-Жомарт Тоқаев Режеп Тайып Ердоғанның шақыруымен Анкарадағы «Кулие» сарайында өткен Түркия Республикасының президентін ұлықтау рәсіміне қатысты.

Түркия президенті Режеп Тайып Ердоған сөйлеген сөзінде ұлықтау рәсіміне арнайы келіп қатысқаны үшін Мемлекет басшысы Қасым-Жомарт Тоқаевқа шынайы ризашылығын білдірді.

Мемлекет басшысымен қатар салтанатты шараға, 40-тан астам мемлекеттің басшыларын, үкіметтер мен парламенттердің, сондай-ақ халықаралық ұйымдардың жетекшілерін қоса алғанда, 90-нан астам делегация өкілі қатысты.

Бөлісу: