Қарағандыда медициналық мекемеден қашып кеткен сотталған азамат табылды, деп хабарлайды El.kz ақпарат агенттігі.
Қарағанды қалалық Полиция басқармасы, Михайлов полиция бөлімінің криминалдық полиция қызметкерлерімен жүргізілген кешенді жедел-іздестіру іс-шаралары барысында ауруханадан қашқан сотталған азамат қаладағы гараждардың бірінің маңынан ұсталды. Ол полиция бөліміне жеткізілді. Тергеу әрекеттері жүргізілуде, - делінген Polisia.kz мәліметінде.
Айта кетейік, ауыр қылмыс жасағаны үшін сотталған 35 жастағы батысқазақстандық азаматтың қашып кеткені туралы жазған едік.
