Жаңалықтар

Медициналық ұйымдар толық қаржыландырылады - ДСМ

МӘМС пакетінде қаржыландыруға келетін болсақ, 1,9 есе: 227,9 млрд теңгеден 431,3 млрд теңгеге дейін өсім болды.
Медициналық ұйымдар толық қаржыландырылады - ДСМ
Фото: дереккөз 05.10.2022 21:47 1899

Стационарлық және стационарды алмастыратын көмек көрсету көлеміне қажеттіліктің артуына байланысты медициналық ұйымдарды қосымша қаржыландыру қарастырылған, деп хабарлайды EL.KZ ДСМ баспасөз қызметіне сілтеме жасап.

Айта кету керек, ТМККК мен МӘМС-те ауыл тұрғындарын қоса алғанда, стационарлық және стационарды алмастыратын көмек көрсетуге көзделген жалпы бюджет 2019 жылдан бастап 1,6 еседен астам өсті: 361,7 млрд теңгеден 589 млрд теңгеге дейін артты.

МӘМС пакетінде қаржыландыруға келетін болсақ, 1,9 есе: 227,9 млрд теңгеден 431,3 млрд теңгеге дейін өсім болды.

Бұдан бөлек, 2019 жылдан бастап республика бойынша стационарлық және стационарды алмастыратын көмек қызметтерін ұсынатын медициналық мекемелер саны 17,6%-ға өсті.

Жыл басынан бері медициналық қызмет көрсетушілер қызмет көлемін орындаудың жоғары қарқынына төтеп беріп келеді.

2022 жылдың 7 айының қорытындысы бойынша стационарлық және стационарды алмастыратын көмек көрсететін медициналық ұйымдар ТМККК шеңберінде жылдық жоспарды тиісінше 62,3%-ға және 61,9%-ға, МӘМС шеңберінде 64,9%-ға және 61,3%-ға орындады.

Осыған байланысты, ТМККК және МӘМС шеңберінде халықтың медициналық көмекке қолжетімділігін қамтамасыз ету мақсатында басым тәртіппен ТМККК жылдық бюджеттерді 6%-ға және МӘМС-те 9%-ға стационарлық және ТМККК-де 2%-ға және МӘМС-те 3,5%-ға ұлғайта отырып, стационарды алмастыратын көмекке қосымша қаражат көзделген.

Денсаулық сақтау субъектілерін (медициналық қызмет көрсететін ұйымдар) таңдау, сондай-ақ олардың арасында медициналық қызметтерді орналастыру көлемі (Қор немесе бюджеттік бағдарламалар әкімшілері есебінен) құрамына Қор филиалдарының, өңірлердің денсаулық сақтау басқармаларының, "Атамекен" ҚР Ұлттық Кәсіпкерлер палатасының және үкіметтік емес ұйымдардың өкілдері кіретін өңірлік комиссиялардың шешімі бойынша қабылданатынын атап өту қажет.

Бөлісу:
Telegram Қысқа да нұсқа. Жазылыңыз telegram - ға