Жаңалықтар

Майқайыңда төтенше жағдай жарияланды

Майқайыңда төтенше жағдай жарияланды
Фото: pavlodarnews.kz 24.02.2024 20:32 502

Майқайың кенті мен «Богатыр Көмір» АҚ-на су жеткізетін магистральдегі ақауды қалпына келтіру жұмыстары жалғасып жатыр, деп хабарлайды El.kz ақпарат агенттігі.

Павлодар облысы әкімінің баспасөз қызметінің мәліметінше, Асайын Байханов Майқайың кентіндегі диамтері 1020 миллиметр суық сумен жабдықтау құбырындағы ақауды жою бойынша жедел штабтың отырысын өткізді.

23 ақпанда Баянауыл ауданының әкімдігі ТЖ алдын алу және жою жөніндегі комиссияның кезектен тыс отырысында Майқайың кентінің аумағында жергілікті ауқымдағы техногендік сипаттағы төтенше жағдай жариялау туралы шешім қабылдады.

Жергілікті жерде жұмыстар жалғасуда. Барлығы 119 адам және 48 мамандандырылған техника жұмылдырылған.

Майқайың кентіне су төмен қысымда беріліп жатыр. Тәулігіне орташа тұтыну көлемі - 250 текше метр. Резервуарларда тұрақты түрде тәуліктік су қоры бар әрі ол тұрақты түрде толтырылуда. Бұл жұмыстарға 10 техника жұмылдырылған. 23 ақпанда Баянауыл ауданының әкімдігі төтенше жағдайдың алдын алу және жою жөніндегі комиссияның кезектен тыс отырысында Майқайың кентінің аумағында жергілікті ауқымдағы техногендік сипаттағы төтенше жағдай жариялау туралы шешім қабылдады, - делінген әкімдік ақпаратында.

Бөлісу:
Telegram Қысқа да нұсқа. Жазылыңыз telegram - ға