457.7
492.81
6.49

Маймыл шешегіне қарсы вакцинаның 800 мыңдай дозасы таратылады

АҚШ-та маймыл шешегі вирусын жұқтыру статистикасының өсуі ықтимал
aikyn.kz
Фото: aikyn.kz 27.07.2022 10:41 1003

Америка Құрама Штаттарының билігі жақында маймыл шешегінің таралуымен күресу үшін 800 мыңға жуық жаңа вакцина дозасын елге таратамыз деп отыр, деп хабарлайды El.kz COVID-19 таралуына жол бермеу жөніндегі ведомствоаралық комиссияға сілтеме жасап.

«Қазіргі уақытта АҚШ-тың Азық-түлік және дәрі-дәрмек сапасын санитариялық қадағалау басқармасы (FDA) тиісті рұқсатты беру үшін жедел жұмыс істеп жатыр. АҚШ-та маймыл шешегі вирусын жұқтыру статистикасының өсуі ықтимал, билік мұны тестілеудің артуымен байланыстырады. Қазіргі уақытта елде жеке компаниялармен көбірек вакцина шығару мүмкіндігі туралы келіссөздер жүргізіліп жатыр», - делінген хабарламада.

Сондай-ақ, ВАК мәліметінше, даниялық Bavarian Nordic фармацевтикалық компаниясы препаратқа сұраныстың өсуі аясында маймыл шешегі вирусымен күресу үшін Imvanex вакциналарын шығаратын өз кәсіпорнын тәулік бойы жұмыс режиміне көшіруге дайындалып жатыр. Компания жылына 30 млн доза вакцина шығара алады. Кәсіпорындағы жұмыс күні қазірдің өзінде ұзақ.

Bavarian Nordic маймыл шешегіне қарсы препарат ретінде Imvanex вакцинасына ЕО мақұлдауын алды. Бұрын Imvanex тек АҚШ пен Канадада маймыл шешегіне қарсы мақұлданған болатын. Компания вакцинаны маймыл шешегіне қарсы әлемдегі жалғыз дәрілік құрал деп атайды. Кәсіпорын басшылығының пікірінше, Bavarian Nordic-тің өндірістік мүмкіндіктері Imvanex-ті бүкіл әлемге жеткізуге мүмкіндік береді, өйткені COVID-19-дан айырмашылығы, бұл инфекция жағдайында жаппай вакцинация қажет емес.

Қысқа да нұсқа. Жазылыңыз telegram - ға

Жаңалықтар