Жаңалықтар

Маңғыстаудағы дәріханада нашақорларға арналған препараттар рецептсіз сатылған

Маңғыстаудағы дәріханада нашақорларға арналған препараттар рецептсіз сатылған
Фото: ©El.kz/Ербол БЕКБОЛАТ/OpenAI 04.03.2024 11:19 586

Облыс прокуратурасы дәрі-дәрмек пен медициналық мақсаттағы бұйымдарды сату кезінде заңдылықтың сақталуына талдау жүргізді, деп хабарлайды El.kz ақпарат агенттігі.

Нәтижесінде тиісті лицензиясысы жоқ дәріхана қызметін жүзеге асыру фактісі, сондай-ақ мерзімі өткен дәрілік заттарды сақтау және «Тропикамид» дәрілік заттарын  үлкен көлемінде (45 мыңнан астам қаптама, бұл облыс бойынша сатып алудың 55%  көлемін құрайды) рецептсіз сату деректері анықталды.

Тропикамид - адам өмірі мен денсаулығына зиянды әсер ететін, есірткіні қолданудың әсерін күшейтетін, нашақорларға негізгі заттың дозасын үнемдеуге немесе күшті эйфориялық реакция алуға мүмкіндік беретін препарат.

Осыған орай, облыс прокуратурасының үйлестіруімен Маңғыстау облысы бойынша медициналық және фармацевтикалық бақылау департаменті дәріхананың қызметіне тексеріс жүргізді.

Тексеріс нәтижесімен дәріхананың иесі ӘҚБтК-нің 464-бабының 1-бөлігі (лицензиялау нормаларын бұзу) және  426-бабының 1, 3-бөліктерімен (фармацевтикалық қызметтің және дәрілік заттар мен медициналық бұйымдардың айналысы саласының қағидаларын бұзу) әкімшілік жауаптылыққа тартылды.

Бұл ретте сот шешімімен кәсіпкердің қызметі 3 айға тоқтатылды.

Бөлісу:
Telegram Қысқа да нұсқа. Жазылыңыз telegram - ға