Маңғыстауда оқушылар тағамнан уланып, ауруханаға түсті

Маңғыстау облысында 11 оқушы тағамнан улану белгілерімен ауруханаға түсті, деп хабарлайды El.kz ақпарат агенттігі.

Бейнеу ауылында 1 сәуір күні 9 бен 12 жас аралығындағы 11 оқушы жүрек айну, құсу және әлсіздік белгілерімен аудандық ауруханаға жеткізілген. Олар 2, 3 және 5 сынып оқушылары.

Маңғыстау облысы Денсаулық сақтау басқармасының мәліметінше, балаларда асқорыту жүйесінің бұзылысы – функционалды диспепсия анықталған.

Азық-түлік үлгілерін зерттеуге алынып, тексеру жүргізілуде. Балалардың қазіргі жағдайы тұрақты.

Қысқа да нұсқа. Жазылыңыз telegram - ға