Жаңалықтар

Лингвистикалық комиссия: Мейрам Қажыкен мемлекеттік тілді еркін меңгерген

Бұл туралы Қазақстан Республикасы Орталық сайлау комиссиясы мәлімдеді
Лингвистикалық комиссия: Мейрам Қажыкен мемлекеттік тілді еркін меңгерген
Фото: : Facebook/meiram.kazhyken 08.10.2022 16:15 1203

Бүгін Қазақстан Республикасы Орталық сайлау комиссиясында Мейрам Зекешұлы Қажыкеннің мемлекеттік тілді еркін меңгергендігін анықтау бойынша лингвистикалық комиссияның отырысы өтті, деп хабарлайды El.kz.

Лингвистикалық емтихан барлық үш кезең бойынша өтті: тақырып бойынша жазбаша тапсырма жазу, мәтін оқу және кандидат таңдаған тақырып бойынша көпшілік алдында кемінде он бес минут сөз сөйлеу.

Емтихан аяқталған соң, комиссия талқылау өткізіп, қорытындылады.

Отырыстың қорытындысын лингвистикалық комиссияның төрағасы, филология ғылымдарының докторы, профессор Әділ Құрманжанұлы Ахметов баяндады.

Кандидаттың жазба жұмысы «Қазіргі заманғы жаһандық мәселелер» тақырыбында болды. Жазба жұмысы мазмұны, стилі, емлесі, тыныс белгілері бойынша бағаланды. Кандидат берілген уақытты толық пайдаланды. Екінші тапсырма бойынша Мұхтар Әуезовтің «Абай жолы» эпопеясынан үзіндіні оқыды. Үшінші тапсырма бойынша «Ырыс алды – ынтымақ» тақырыбына өз ойын 15 минут көлемінде баяндады.

Емтихан қорытындысы бойынша лингвистикалық комиссия Қазақстан Республикасының Президенттігіне кандидат Мейрам Зекешұлы Қажыкеннің мемлекеттік тілді еркін меңгергендігі туралы ашық дауыспен шешім қабылдады.


Бөлісу:
Telegram Қысқа да нұсқа. Жазылыңыз telegram - ға