Футбол әлем чемпионатының 1/8 финалына шыққан құрамалар анықталды
Жарыстың бұл сатысындағы құрамалар төмендігіше жұп құрады
Қатарда өтіп жатқан футболдан әлем чемпионатында 1/8 финалға жолдама алған құрамалар толықтай белгілі болды, деп хабарлайды El.kz ақпараттық агенттігі.
Дүбірлі доданың топтық кезеңі мәресіне жетті. Нәтижесінде 1/8 финалға жеткен 16 құрама белгілі болды. Олардың қатарында Франция, Австралия, Бразилия, Португалия, Нидерланд, Испания, Сенегал, Англия, Жапония, АҚШ, Аргентина, Польша, Марокко, Хорватия, Оңтүстік Корея құрамалары бар.
Жарыстың бұл сатысындағы құрамалар төмендігіше жұп құрады:
3 желтоқсан күні Нидерланд — АҚШ, Аргентина — Австралия.
4 желтоқсанда Франция — Польша, Англия — Сенегал.
5 желтоқсанда Жапония — Хорватия, Бразилия — Оңтүстік Корея.
6 желтоқсанда Марокко — Испания, Португалия — Швейцария.
Ал 9 және 10 желтоқсанда 1/4 финал ойындары өткізілсе, 13 және 14 желтоқсанда жартылай финал болады. 3-орын үшін ойын 17 желтоқсанға белгіленсе, финал 18 желтоқсанда өтеді.
Қысқа да нұсқа. Жазылыңыз telegram - ға