Жаңалықтар

Еревандағы ғылыми-зерттеу институты қыпшақ тілінде қолжазбалар жинағын шығармақ

Еревандағы ғылыми-зерттеу институты қыпшақ тілінде қолжазбалар жинағын шығармақ
Фото: Ақорда 15.04.2024 16:35 266

Мемлекет басшысы Матенадаран көне қолжазбалар институтына барды, деп хабарлайды El.kz ақпарат агенттігі.

Президент Қасым-Жомарт Тоқаев Арменияға ресми сапары аясында Ұлттық жиналыс төрағасы Ален Симонянмен бірге Месроп Маштоц атындағы Матенадаран көне қолжазбалар ғылыми-зерттеу институтына барды.

Мемлекет басшысы әлемдегі ең ірі қолжазбалар қорының бірі саналатын мекеменің жұмысымен танысып, көне мәтіндерді қарады.

Сонымен қатар Қасым-Жомарт Тоқаевқа ғылыми-зерттеу институтында сақтаулы тұрған қыпшақ қолжазбалары көрсетілді. Соңғы жылдары армян ғалымдарының көмегімен Матенадаран қорынан Орталық Азия және Қазақстан тарихына қатысты 40 көне еңбектің көшірмелері алынды. Биыл институт қыпшақ тіліндегі қолжазбалар жинағын шығаруды жоспарлап отыр.

Матенадаран ЮНЕСКО-ның Дүниежүзілік мұралар тізіміне енгізілген әрі армян халқының ұлттық ескерткіштері сақталған маңызды мекемелердің бірі саналады. Институт – Армения мақтаныштарының бірі.

Бөлісу:
Telegram Қысқа да нұсқа. Жазылыңыз telegram - ға