Жаңалықтар

ЕО Жерорта теңізіндегі заңсыз көші-қон мәселелерін талқылады

Заңсыз көші-қон мәселесін шешу бойынша кезектен тыс отырыс өткізілді
ЕО Жерорта теңізіндегі заңсыз көші-қон мәселелерін талқылады
Фото: euronews.com 26.11.2022 16:10 1191

Рим мен Париж арасындағы жақында болған келіспеушіліктерден кейін Еуроодақ ішкі істер министрлері Еуропалық комиссияның континентке бет алған мигранттар ағынын азайту жөніндегі ұсыныстарын талқылау үшін жиналып жатыр, деп хабарлайды El.kz ақпарат агенттігі  ҚазАқпаратқа сілтеме жасап.

Іс-шаралар жоспары мүше мемлекеттерді маусым айында бірқатар еуропалық елдермен келісілген қоныс аудару бағдарламасын жеделдетуге шақырады. Құжатта Солтүстік Африка елдерін қаржыландыруға 600 миллион еуро бөлу де қарастырылған.

Үкіметтік емес ұйымдар кемелерінің рөлі ең даулы мәселе болып қала береді. Елдер тіркелген ҮЕҰ кемелері мен олардың қызметі және олар құтқаратын мигранттар үшін жауапкершілікті өз мойнына алуы керек пе? Италия, Кипр және Мальта бұл кемелер туы желбіреген мемлекеттер қандай да бір рөл атқаруы керек деп талап етеді.

«Италия үкіметі заңнамада еш жерде жазылмаған ережелерге сілтеме жасайды. Осылайша, заң белгілі бір мемлекеттің туы бар кеме мигранттарға қамқорлық жасауды және осы кемелердің қатысуымен теңізде төтенше жағдайлар туындаған жағдайда міндетті түрде араласуды талап етпейді. Біз заңды 100% сақтаймыз деп талап етеміз. Біз заңға сәйкес жасауымыз керек нәрсенің бәрін жасаймыз. Өз міндеттемелерін орындамайтындар - ЕО-ға мүше мемлекеттер. Олар құтқару жұмыстарын үйлестірмейді және қауіпсіз болу үшін автоматты түрде орын тағайындамайды. Сондықтан бізге жаңашылдық қажет емес, тек халықаралық конвенцияға қол қойған мүше мемлекеттер немесе елдер өз міндеттемелерін орындауы керек», - деп атап өтті «Поиск и спасение» «Врачей без границ» миссиясының басшысы Хуан Матиас Хиль.

Бөлісу:
Telegram Қысқа да нұсқа. Жазылыңыз telegram - ға