Жаңалықтар

Энергетикалық қадағалау комитеті жылу энергетикалық орталықтарды тексеруді бастады

Энергетикалық қадағалау комитеті жылу энергетикалық орталықтарды тексеруді бастады
Фото: Энергетика министрлігінің баспасөз қызметі 28.05.2023 09:46 459

Атомдық және энергетикалық қадағалау мен бақылау комитетінің Ақмола облысы бойынша аумақтық департаментінің өкілдері энергетикалық кәсіпорындардың алдағы күзгі-қысқы кезеңге дайындығын бақылау шеңберінде «Степногор ЖЭО» ЖШС-ға барды, деп хабарлайды El.kz ақпарат агенттігі.

2023 жылға арналған жабдықты жөндеудің бекітілген кестесіне сәйкес электр станциясын алдағы жылыту кезеңіне дайындау үшін № 6 және 7 қазандық агрегаттарында күрделі жөндеу, № 3 қазандық агрегатын кеңейтілген ағымдағы жөндеу жүргізу жоспарланған. Қалған негізгі және қосалқы жабдықтар бойынша ағымдағы жөндеу жұмыстары  көзделіп отыр. 

Қазіргі уақытта ЖЭО-да № 3 және 7 қазандық агрегаттары бойынша және № 3 күл құбырын жөндеу бойынша жұмыстар жүргізіліп жатыр. 

Жөндеу жұмыстары МСУ-104, «РемЭнергоМаш» ЖШС, «Қазбилд центр» ЖШС және «Әйтілек Шатары» ЖШС мердігер ұйымдарының қатысуымен жүргізілмек. Жөндеу жұмыстарына екі ауысымда жұмыс істейтін 111 адам жұмылдырылды.

№ 7 қазандық агрегатын ашу кезінде қосымша ақаулар анықталуына және жөндеу жұмыстарының көлемінің ұлғаюына байланысты осы қазандық агрегаты бойынша күрделі жөндеуді орындау мерзімдері ұзартылған. 

Жөндеу науқанының өтуі және Степногор ЖЭО-ның алдағы күзгі-қысқы кезеңге дайындығы Атомдық және энергетикалық қадағалау мен бақылау комитетінің Ақмола облысы бойынша аумақтық департаментінің тұрақты бақылауына алынған. 

Бөлісу:
Telegram Қысқа да нұсқа. Жазылыңыз telegram - ға