Елордада «Астана күй қанатында» фестивалі өтті
«Күй анасы» республикалық қоры елорда әкімдігінің Ішкі саясат басқармасымен бірлесіп, елордада ұлы музыкалық мұраға арналған «Астана күй қанатында» атты І қалалық күй фестивалін ұйымдастырды, деп хабарлайды El.kz ақпарат агенттігі.
Қала әкімдігінің ресми сайты таратқан мәлімет бойынша, «Күй анасы» республикалық қорының басшысы Төлеген Қуанышев бұл байқау алғаш рет өткізіліп отырғанын атап өтті.
Фестивальде қаламыздың аспапшылары бас қосады, олар домбырада өнер көрсету бойынша өз шеберліктерін көрсетеді. Байқау қазақтың даңқты тұлғасы Дина Нұрпейісованың шығармашылығына арналады, оның ескерткішіне гүл шоқтарын қойып, құрмет көрсетілді. Мемориалдың мәрмәр тасына дейін талантты күйшілердің есімі жазылған, – деді қор басшысы.
Оның айтуынша, бүгіннен бастап конкурстық іс-шаралар басталып, жеребе тартылады, содан кейін қазылар алқасы осы конкурсқа қатысушыларды іріктеуге кіріседі.
«Жеңімпаздар екі жас тобы бойынша анықталады: 14-18 жас және 19-35 жас.
Жеңімпаздарды марапаттау ертең сағат 11.00-де Музыкалық жас көрермен театрында өтеді. Жүлделерді елорда әкімдігінің басшылары мен іс-шараны ұйымдастыруға қатысқан қоғамдық бірлестіктердің өкілдері табыстайтын болады.
Байқауға 35-ке жуық қатысушы қатысады.
Қысқа да нұсқа. Жазылыңыз telegram - ға