Экстремизмге күдікті 4 адам ұсталды - ҰҚК
![Экстремизмге күдікті 4 адам ұсталды - ҰҚК Экстремизмге күдікті 4 адам ұсталды - ҰҚК](/storage/storage/element/2024/04/19/mainphoto/100212/1200xauto_OiAduYaPwJN2ujRUrnVTnLysmsUBJ5rIISua4W55.jpg)
17 сәуірде ҰҚК ІІМ-мен өзара әрекеттесе, прокуратура органдарының үйлестіруімен Алматы қаласында, Алматы және Жамбыл облыстарында Қазақстанның 4 азаматын ұстады, деп хабарлайды El.kz ақпарат агенттігі.
Олар республика аумағында тыйым салынған діни-экстремистік ұйымның әрекетіне қатысты және ұйымдастырды деп күдіктеледі.
Тұрғылықты жерлері бойынша тінтулер барысында көптеген діни әдебиеттер мен басқа да заттай дәлелдемелер алынды. Қылмыстық кодекстің 405-бабы бойынша сотқа дейінгі тергеу жүргізілуде.
Атап өтетін жайт, ұсталған адамдардың екеуі бұған дейін осындай қылмыс жасағаны үшін сотты болған. Сотпен ұсталғандарға қатысты бұлтартпау шарасын қолдану сұрағы шешілуде.
Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.
![Telegram](https://el.kz/static/site/images/tel26.png)