«Егінді алқаптарға ешқандай зияны жоқ». Министр Қостанай облысында шегіртке қаптауына байланысты
Ауыл шаруашылығы министрі Ербол Қарашөкеев егінді алқаптардағы шегірткенің қаптап кетуіне байланысты пікір білдірді, деп хабарлайды El.kz ақпарат агенттігі.
Министр бұл жағдайды күннің қатты ыстығымен байланыстырып отыр.
Шегірткенің, соның ішінде: азиялық, марокколық италиялық түрлердің таралуы күннің белсенділігімен байланысты. Әр 11 жыл сайын шегірткенің таралуы шарықтау шегіне жететін кезі болады. Келесі жылы «пик» болады. Шегірткенің орташа жылдық таралуына қарағанда 10-20 есеге көбейеді. Былайша айтқанда, шегіртке 100, тіпті 1000 жұмыртқаға дейін сала алады. Шегірткенің сондай циклділігі сол «пик» жылға сәйкес келеді, - деп түсіндірді Қарашөкеев.
Оқи отырыңыз:
- Мусин интернеттің сапасы туралы: Мегабайттың көбісі видео қарауға кетіп жатыр
- Назарбаевтың сыныптасы, Байбектің әкесіне қатысты қылмыстық іс қозғалды
Министр шегіртке жылда болатынын атап өтті. Биыл және келесі жылы да шегірткенің «пигі» болады. Оның сөзінше, шегірткелер егінді алқаптарды жемейді, ауыл шаруашылығы алқаптарындағы егістерге ешқандай зияны жоқ.
Қазақстан бойынша 200-ден астам аппарат бар. Соларды дер кезінде алып келдік. 1,7 млн гектарға жететін улы дәрілерді дайындадық. Өзіміздің резервтеріміз бар. Жұмыстардың барлығы өз уақытында атқарылып жатыр. Өңірдегі ахуал тұрақты, - деді министр.
Бұған дейін шегіртке Қостанай облысындағы 16 мың гектар жайылымдық жерге тарағаны туралы айтылды. Министр өңірге барып, ахуалды бақылаған болатын.
Қысқа да нұсқа. Жазылыңыз telegram - ға