Дәрігерлер фермердің қолына аяғының басбармағын салып берді
Австрияның Фельдкирх мемлекеттік ауруханасында бірегей медициналық операция сәтті өтті: дәрігерлер 50 жастағы фермердің аяғындағы басбармағын қолына cалып берді, деп хабарлайды El.kz ақпарат агенттігі.
Фермер саусағынан жылдам дамыған инфекция салдарынан айырылған. Дәрігер, пластикалық хирург Кристиан Кнехттың айтуынша, бастапқыда жарақат жеңіл ғана сызат болып көрінгенімен, жағдай күрт нашарлап, сепсиске әкелген.
Сегіз сағатқа созылған күрделі операция кезінде екі хирургиялық топ бір уақытта жұмыс істеді: бірі аяқтан бас бармақты алып дайындық жүргізсе, екіншісі қолдағы имплантация орнын әзірледі. Кейін командалар орын ауыстырып, сүйектерді, сіңірлерді, қан тамырларын және жүйке талшықтарын мұқият біріктірді. Мұндай әдіс қолдың функционалдығын мүмкіндігінше қалпына келтіруге мүмкіндік берді.
Бұл операцияның шеберлігі – қол функциясын қалпына келтіру мен аяқтың қозғалу қабілетін сақтау арасындағы тепе-теңдікті табу, — деп атап өтті доктор Кнехт.
Отадан кейін он күн өткен соң фермер ауруханадан шығарылды. Қазіргі уақытта ол қайтадан фермада жұмыс істей бастады. Дәрігерлердің айтуынша, жаңа бармақтың сезімталдығы толық қалпына келуі үшін бір жылға жуық уақыт қажет болады, бірақ фермер қазірдің өзінде ұсақ заттарды ұстауға қабілетті.
Қысқа да нұсқа. Жазылыңыз telegram - ға