«ҮКІЛІ ЖҰЛДЫЗ» қойылымының премьерасы өтеді

Қ.Қуанышбаев атындағы Мемлекеттік академиялық қазақ музыкалық драма театры  қарашаның 13-14  күндері, сағат 18.30-да «Үкілі жұлдыз» атты фарс-трагедияның премьерасын өткізеді.

Аталмыш қойылым Әкім Таразидің «Люстра» пьесасының желісі бойынша сахналанған. Қоюшы режиссері – ҚР еңбек сіңірген қайраткері Әлімбек Оразбеков.

Театр – тәрбие мектебі, рухани азық алар орда. Сахнада көрсетілетін әр қойылымдағы актердің ойыны, режиссердің жұмысы көрермен жүрегімен үндес болуы қажет.

Қойылымда бүгінгі қоғамға өз тамырын таратып үлгерген, қазақ халқының табиғатына жат – қарттар үйі, жалғыз қалған әке мен ананың тағдыр тәлкегі, тәрбие көрмеген баланың қатыгездігі суреттеледі. Пенденің бәрі талантқа кенде емес, дегенмен, қиындығы мол өнер жолына тек жүрегінің түгі барлар ғана келеді. «Үкілі жұлдыз» спектаклі де осындай қиындыққа төзе білген жанның өмірімен өрнектеледі.

Қойылымының кез келген сала маманы үшін берері мол. Өйткені, мұнда барша адамға ортақ – адамгершілік қасиет пен асқан қатыгездік күреседі. Спектакльді тамашалай отырып, әр адам өз анасына деген көзқарасын сараптай алады.

Қысқа да нұсқа. Жазылыңыз telegram - ға