Шведова WTA рейтингінде 35-орынға көтерілді

Қазақстандық теннисші Ярослава Шведова Әйелдер теннис қауымдастығының (WTA) рейтингінде екі позицияға көтеріліп, 35-орынға жайғасты.

Vesti.kz-тің хабарлауынша, қазақстандық тағы бір теннисші Юлия Путинцева бір апта ішінде 8 тармаққа жоғарылап, 88-орынға орналасты. Ал Ксения Первак  108-орында қалды. 

Галина Воскобоева болса, бір позицияны жоғалтып, 117-орынға сырғыды. Сесиль Каратанчева 119-орыннан 118-ге көтерілді. Зарина Дияс он орынға жоғары өрлеп, 208-ге табан тіреді. 

WTA алғашқы ондығында өзгерістер болған жоқ. Бірінші орынды америкалық теннисші Серена Уильямс сақтап тұр. Ресейлік Мария Шарапова - екінші, Беларусь спортшысы Виктория Азаренко үшінші орында.

Қысқа да нұсқа. Жазылыңыз telegram - ға