Canva жаңа жасанды интеллект мүмкіндіктерін таныстырды

Әлемдегі ең танымал графикалық дизайн платформаларының бірі — Canva өзінің жасанды интеллект мүмкіндіктерін айтарлықтай жаңартқанын мәлімдеді. Бұл жаңалықтар Canva Create 2025 шарасында ресми түрде жарияланды.

Visual Suite 2.0: Дизайндағы жаңа дәуір

Canva-ның жаңа Visual Suite 2.0 жаңартуы — платформаның барлық визуалды құралдарын жасанды интеллект арқылы басқаруға мүмкіндік береді. Енді қолданушылар:

- Дизайн жасау;
- Мәтін жазу;
- Фото өңдеу;
- Слайд жасау;
- Контенттің өлшемін өзгерту;
- Видео мен презентация дайындау;
сияқты жұмыстарды тек дауыс арқылы басқара алады.

AI негізіндегі Фото редактор

Canva жасанды интеллект арқылы жұмыс істейтін фото редакторын да жетілдірді. Енді:

- Фотоның артқы фонын автоматты түрде өзгерту;
- Қажет емес объектілерді дәл жою;
- Жарық пен түсті нақты баптау;
сияқты функциялар кәсіби студия сапасында орындалады.

Canva платформасына бірнеше жаңа құрал қосылды:

- Canva Code — ешқандай код жазбай-ақ формалар, калькуляторлар, интерактивті flash-карталар жасау мүмкіндігі.
- Magic Charts — күрделі мәліметтерді автоматты түрде графика мен диаграммаға айналдыратын құрал.
- Canva Sheets — дәстүрлі Excel немесе Google Sheets-тің мүмкіндіктерінен де асып түсетін жаңа форматтағы ақылды кестелер жүйесі.

Canva Visual Suite 2.0 пакеті мен AI мүмкіндіктері дизайн жасауды барынша оңай әрі тиімді етті. Бұл — кәсіби дизайнерлер үшін ғана емес, қарапайым қолданушылар үшін де үлкен көмекші құрал. Болашақта мұндай платформалар жұмыс процесін толықтай автоматтандырып, шығармашылық еркіндікті жаңа деңгейге көтермек.

жасанды интеллект

Қысқа да нұсқа. Жазылыңыз telegram - ға