БҚО-да браконьерлер ұсталды
![БҚО-да браконьерлер ұсталды БҚО-да браконьерлер ұсталды](/storage/storage/element/2023/11/07/mainphoto/75752/1200xauto_tZWX4kIq4S2w87eMyfdICEnm931dkW4MnHm7Luwg.jpg)
БҚО Бөрлі ауданында көліктен екі қап еліктің еті анықталды, деп хабарлайды El.kz ақпарат агенттігі.
ҚР ІІМ баспасөз қызметінің мәліметінше, БҚО Бөрлі ауданы полиция бөлімінің қызметкерлері 2 қараша күні сағат 20:20 кезінде Утвинка ауылынан 500 метр қашықтықта Toyota Hilux автокөлігін тоқтатқан.
Тексеру барысында автокөліктің салонынан бөлшектелген екі қап еліктің еті, тегіс ұңғылы қосауыз мылтық және оқ-дәрілер тәркіленді. Қосымша тексеру барысында аталған ауылдың батыс бағытында жануардың 2 басы, терісі және аяқтары табылды, - делінген мәліметте.
Тиісті сараптамалар тағайындалды. Ұсталған 2000 ж.т., 1983 ж.т., 1986 ж.т., 1977 ж.т. азаматтар бұл әрекеттерін аң аулауға шыққандарымен түсіндірді.
Аталған факті ҚР ҚК-нің 337-бабы 1-бөлігіне сәйкес сотқа дейінгі тергеп-тексерудің бірыңғай тізіліміне тіркелді.
![Telegram](https://el.kz/static/site/images/tel26.png)