Жаңалықтар

БҚО әкімі Дубайда өткен додада топ жарған сәйгүліктің иесін қабылдады

БҚО әкімі Дубайда өткен додада топ жарған сәйгүліктің иесін қабылдады
Фото: БҚО әкімдігі 04.02.2024 06:30 605

Қазақстан облысының әкімі Нариман Төреғалиев Дубайда өткен Al Maktoum Challenge турнирінде жеңіске жеткен әйгілі Қабірхан сәйгүліктің иесі Батыс Қазақстан облысының тумасы, кәсіпкер Тілек Мұханбетқалиевті қабылдады, деп хабарлайды El.kz ақпарат агенттігі. 

Әкімдіктің баспасөз қызметінің мәліметінше, өңір басшысы әйгілі тұлпардың иесі Тілек Мұқанбетқалиевті үздік арғымақ баптап, әлемдік додада жеңіске жетуімен құттықтады.  

Бұл - барша Қазақстанның жеңісі. Еліміздің көк туы кезекті рет әлемдік аренада асқақтап, мерейіміз үстемдеді. Бұл жеңіс – өңірімізде, жалпы елімізде ат спортының дамуына серпін береді, - деді Нариман Төреғалиев.

Өз кезегінде Тілек Мұханбетқалиев өңірдегі ат спортының дамуына қолдау көрсетіп отырғаны үшін облыс басшылығына алғыс білдіріп, биыл елімізде өтетін  Дүниежүзілік көшпенділер ойынында облыс атынан бәйгеге ат қосуға дайын екендігін айтты.

Еске салайық, Қабирхан сәйгүлігі Дубайдағы Al Maktoum Challenge (1-топ) Presented by Longines бәйгесінде мәреге бірінші болып жеткен еді. Жарысқа 12 тұлпар қатысты. Олар 1900 метр қашықтықта сынға түсті. Шабандоз Патрик Доббс мінген қазақстандық сәйгүлік Кабирхан 1 минут 57 секундта мәре сызығын бірінші болып кесті. Сөйтіп Мими Какуши, Атлетико Эль Кулано, Клэптон, Фёрст Конститьюшен, Милитари Ло сияқты әйгілі тұлпарларды артта қалдырды.

Нәтижесінде қазақстандық сәйгүлік 1 миллион доллар көлемінде бас жүлдеге ие болды.

Оқи отырыңыз: 

Бөлісу:
Telegram Қысқа да нұсқа. Жазылыңыз telegram - ға