Жаңалықтар

Блогер Фариза Төреәлі сәбилі болғанын жеткізді

Блогер Фариза Төреәлі сәбилі  болғанын жеткізді
Фото: instagram.com/farizatoreali 06.12.2023 15:37 4695

Блогер Фариза Төреәлі көпшіліктен сүйінші сұрап, жақсы жаңалығын бөлісті, деп хабарлайды El.kz ақпарат агенттігі.

Біз көп күткен бақыт.. біз көп тілеген бақыт. Раббымыз бұл сезімдерді сезінуді бұйыртты. Шексіз мадақтар менен мақтаулар болсын! 9 ай бойы жүктілігімді көпшіліктен жасырып келдім, себебі тіл-көзден барынша сақтандым.  Алла қалап дүниеге сәби алып келіп бәрін сезініп бастағанымыз сол еді артынша денсаулығыма байланысты жағымсыз жайттар орын алды. Жақындарымыздың бәрі дайындалып, роддомнан шығаруға ұшып келіп, дәл выписка күні анализдер нәтижелері болмай шығармай қойған еді. Бірнеше күндерден соң толық тексеріс керек екендігін, содан соң диагноз қойылатынын айтып шығуға рұқсат берді. Ұзақ күткен бақытты күнімізде солай қалай қуанарымызды білмей қалдық, түрлі сезімдер ойнап жатты, - деп жазды блогер.

Бірден Түркияға баруға шешім қабылдап, келесі күні 7 күндік баласын қалдырып кетуге мәжбүр болғанын да жасырмады.

Бұл да Алланың жоспары. Енді ғана босанған әйел үшін түрлі-түрлі эмоцияларды бастан өткізу оңай болмады, әсіресе қиынға соққаны бөпемді қалдыру.. Ең бастысы бәрі артта қалып оңынан реттелді. Сіздермен қуанышпен бөлісіп, сәби дауысын аңсап жүрген әр отбасыға шын жүректен жұғысты болсын дегіміз келеді! Дәл қазір бөпеміздің жанынында аман-есен отырған әр минутымыз үшін шүкір етіп отырмыз, - деп жазды ол.

Еске салайық, онкологиядан күдіктенген блогер Түркияға барып, толық тексерістен өткен еді. Ол жақтағы дәрігерлер ешқандай аурудың жоқ екендігін айтқан.

Бөлісу:
Telegram Қысқа да нұсқа. Жазылыңыз telegram - ға