Жаңалықтар

Бишімбаевтың сотында Салтанаттың дене жарақаттары бар суреттер көрсетілді

Бишімбаевтың сотында Салтанаттың дене жарақаттары бар суреттер көрсетілді
Фото: instagram.com/aitym 15.04.2024 18:16 1669

Бишімбаев ісі бойынша сот отырысында алқабилерге Салтанат Нүкенованың денесіндегі жарақаттар түсірілген суреттер көрсетілді, деп хабарлайды EL.kz ақпарат агенттігі.

Ол суреттер Мальдив аралында Нүкенова Бишімбаевпен бірге демалуға барғанда түсірілгені белгілі болды.

Жәбірленушінің адвокаты алқабилерден жарақаттарға аса назар аударуды сұрады.

Алқабилерден дене жарақаттарына назар аударуды сұраймын. Олар 2023 жылғы ақпанда түсірілген. Амангелді (Нүкенованың ағасы) ұсынған Салтанат Нүкенованың суреттерін басып шығардық. Көптеген жарақат анықталды: бетінде, иығында, білегінде, сол жақ иығында үлкен гематом бар, - деді жәбірленушінің адвокаты.

Айта кетейік, бұған дейін  Бишімбаев бұрынғы әйелі Назым Қаһарман көлігін ұрлап кетті деп айыптаған еді.

Бөлісу:
Telegram Қысқа да нұсқа. Жазылыңыз telegram - ға