Қазақ жастарының Лондонда домбыра тартқаны әлеуметтік желіде қызу талқыланып жатыр. Видео авторы Англия астанасының көрікті жерлерін таспалап жүріп, домбыра ұстаған 3 жерлесін кездестіргенін айтады. Қысқаша танысудан кейін Бигбен көрінетін жерге отырып, күй орындауын өтінеді. «Ақтауданмын» деген бозбала Нұрғиса Тілендиевтің «Әлқиссасын» орындап берді.
Ақтаулық бозбаланың өнеріне тәнті жандар видео астында алғыс айтып, пікір жаудырды. Бейнетаспа бір тәулік ішінде 100 мыңға жуық қаралып, 7 мыңнан астам лайк жинаған. «Мына домбырамен Лондонды Қазақстан қылып жіберді ғой» деген пікір – осы бейненің бар болмысын ашып тұрғандай. Ал біреулері «Қазақтың жүрмейтін жері жоқ» деп әзіл-шыны аралас ойын жазыпты
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Конор Макгрегор пабта төбелес шығарды