Бибісара Асаубаева Қытайда өткен турнирде екінші орын алды
Бибісара да әзербайжандық шахматшы Гюнай Мамедзаде де 8,5 ұпайдан жинаған
Фото: Vesti.kz
Фото: Vesti.kz
09.01.2023 11:06
865
18 жастағы қазақстандық шахматшы Бибісара Асаубаева Сианьда (Қытай) өткен The Belt and Road 2023 to World Chess Woman’s Summit турнирінде жүлделі екінші орынды иеленді, деп хабарлайды El.kz ақпараттық агенттігі Sports.kz сілтеме жасап.
Бибісара да әзербайжандық шахматшы Гюнай Мамедзаде де 8,5 ұпайдан жинаған. Алайда қосымша көрсеткіштер бойынша «алтын» әзербайжандық ойыншыға берілген.
"Демалыс күндері турнирді жақсы өткіздім. Ешкімнен жеңілмедім және қосымша бір ұпай алуға болатын еді. Өкінішке қарай, тай-брейкте ойнауға болмайды. Сондықтан үшінші қосымша ойын бойынша екінші орын алдым. Келесі жолы партияларды соңына дейін жеткізу керек", – деп жазды ол Instagram желісінде.
Бөлісу:
Қысқа да нұсқа. Жазылыңыз telegram - ға