Батыс Қазақстанда полицияға пара берген шетелдік ұсталды
Фото: ©El.kz/Нүркен АЛИШЕВ
Фото: ©El.kz/Нүркен АЛИШЕВ
02.10.2023 21:44
383
Батыс Қазақстан облысында Беларусь Республикасының азаматы полиция қызметкерлеріне пара беру кезінде ұсталды, деп хабарлайды El.kz ақпарат агенттігі.
Ол ҚР жолда жүру ережесін бұзып, полиция қызметкеріне әкімшілік жауапкершілікке тартпау үшін 2 мың рубль көлемінде пара ұсынған. Оқиға орнына Теректі аудандық ПБ жедел-тергеу тобы шақыртылды.
Қазіргі уақытта аталған факті бойынша ҚР ҚК-нің 367-бабы 1-бөлігіне (пара беру) сәйкес сотқа дейінгі тергеу амалдары жүргізілуде, - деп мәлімдеді Ішкі істер ведомствосы.
Көлік құралы арнайы тұраққа қойылды. Жүргізушіге қатысты «Келуге міндетті» түріндегі процессуалдық мәжбүрлеу шарасы қолданылды.
Бөлісу:
Қысқа да нұсқа. Жазылыңыз telegram - ға