Жаңалықтар

Балқаш көліндегі су деңгейі тағы 8 сантиметрге көтерілді

Балқаш көліндегі су деңгейі тағы 8 сантиметрге көтерілді
Фото: gov.kz 20.05.2024 10:18 492

Балқаш көлінің су деңгейі көтерілді, деп хабарлайды El.kz ақпарат агенттігі.

Бұл туралы Су ресурстары және ирригация министрлігінің баспасөз қызметі хабарлады.

Бұған дейін су деңгейі 15 см-ге артып, 1 сәуірде 174 см-ге жеткен еді. Бүгінгі таңда бұл көрсеткіш 182 см-ге көтерілді. Осылайша, жыл басынан бері Балқаштағы су деңгейі 23 см-ге көтерілді, - делінген хабарламада.

Балқаш көліндегі су деңгейін анықтау үшін Сарышаған, Қарақұм, Балқаш, Мыңарал гидробекеттерінде бақылау жүргізіледі.

Сондай-ақ, су ресурстары және ирригация министрлігінің ресми өкілі Мөлдір Әбдуалиева БҚО-ның Қамыс-Самар көлдеріне 80 млн текше метр су барғанын мәлімдеді.

Бөлісу:
Telegram Қысқа да нұсқа. Жазылыңыз telegram - ға