Азиядағы өзара іс-қимыл және сенім шаралары кеңесінің алтыншы саммиті басталды

Бұл туралы Ақорданың баспасөз қызметі мәлім етті, деп хабарлайды El.kz

«Азиядағы өзара іс-қимыл және сенім шаралары жөніндегі кеңестің VI саммитіне қатысқандарыңыз үшін Сіздерге шынайы алғысымды білдіремін. Биыл осы Кеңесті шақыру туралы бастаманың көтерілгеніне 30 жыл толды. Осы кезең ішінде бұл жиын көпжақты ынтымақтастық тұғырына және заманауи дипломатияның халықаралық институтына айналды», - деді Президент. 

Мемлекет басшысы Кувейттің Кеңеске мүше болғанын атап өтті.

«Кеңеске 1999 жылы 15 мемлекет мүше болса, қазір олардың саны 27-ге жетті. Бұл, шын мәнінде, форумның Азия елдері және жалпы әлем қауымдастығы алдындағы беделі арта түскенін көрсетеді. Біз Кувейттің Кеңеске мүше болып, қатарымызға қосылғанына өте қуаныштымыз», - деді Мемлекет басшысы.