Айдын Айымбетов Германиядағы ғылыми конференцияға қатысты
2023 жылғы 29 қараша мен 2 желтоқсан аралығында Германияның Нойбранденбург қаласында «Космонавтика күндері» халықаралық конференциясы өтті, деп хабарлайды El.kz ақпарат агенттігі.
Цифрлық даму министрлігі атынан «Қазақстан Ғарыш Сапары» ҰК» АҚ басқарма төрағасы Айдын Айымбетов қатысты.
Ғылыми конференция аясында Айдын Айымбетов «Қазақстан Республикасында ғарыштық технологияларды дамыту» атты баяндама жасап, ғарыш технологиялары саласындағы өз білімі мен тәжірибесімен бөлісті, сондай-ақ Қазақстан мен Германия арасындағы ғарыштық зерттеулер саласындағы достық байланыстарды нығайтты.
Конференция барысында қатысушылар суреттермен алмасу бойынша бірлескен ынтымақтастық жобасының мүмкіндіктерін, сондай-ақ қазақстандық СбИК кәсіпорнында ғарыш аппараттарын сынауды талқылады.
Айдын Айымбетов Пенемюнде қаласындағы полигондағы VII сынақ стендіне, Германияның DLR ғарыш агенттігі жанындағы Германияның Жерді қашықтықтан зондтау ұлттық орталығына барды.
3-6 желтоқсан аралығында қазақстандық ғарышкер Иоган Кеплердің отаны Вайль дер Штадтқа барды, онда ол PlasmaAir фирмасына барып, неміс ғалымы және астронавты профессор Эрнст Мессершмидпен кездесіп, «ХҒС-қа ұшу және салмақсыздықта ғылыми эксперименттер жүргізу» атты баяндама жасады, сондай-ақ ғарыштық ұшуларға модельдік зерттеулер жүргізу үшін «SPACE NOMAD» эксперименттік кешені туралы айтты.
Соңында атақты неміс ғалымы И. Кеплер қаласының Космонавтика Аллеясында № 11 атаулы ағашты ұшқыш-ғарышкер А. Айымбетовке арнау рәсімі өтті, онда Айдын Ақанұлының неміс тіліндегі өмірбаянына QR-код бойынша қолжетімді сілтемесі бар естелік тақта орнатылды.
Бұл рәсімге Франкфурттан Қазақстан Республикасының Бас консулы Таубалды Үмбетбаев мырза келді. Бургамистр Кристиан Вальтер мырзаның қабылдауында екі тарап Қазақстан Республикасының Халық Қаһарманы, қазақстандық ғарышкер Айдын Ақанұлы Айымбетов өзінің Нойбранденбургтегі «Космонавтика күндері» Халықаралық ғылыми конференциясына және Вейл дер Штадт қаласына сапарымен неміс халқына зор құрмет пен қуаныш сыйлағанын атап өтті.
Айдын Айымбетовтің бұл сапары мен Германиядағы «ғарышкерлер күні» Халықаралық ғылыми конференциясында және И. Кеплердің отанында сөйлеген сөзі Қазақстанның ғарыш технологиялары саласындағы жетекші елдердің бірі екендігінің тағы бір дәлелі болып табылады.
Қысқа да нұсқа. Жазылыңыз telegram - ға